مہر خبررساں ایجنسی نے سی این این کے حوالے سے نقل کیا ہے کہ امریکی ریاست فلوریڈا کے ایک ہائی اسکول میں فائرنگ کے نتیجے میں 17 افراد ہلاک اور متعدد زخمی ہوگئے ہیں۔ اطلاعات کے مطابق ریاست فلوریڈا کے علاقے پارک لینڈ میں واقع ایک ہائی اسکول میں فائرنگ کا واقعہ پیش آیا ہے جس میں متعدد افراد کی ہلاکتوں کا خدشہ ظاہر کیا جارہا ہے، اب تک پولیس وہاں سے 17 افراد کی لاشیں نکال چکی ہے اسی طرح زخمیوں کی تعداد بہت زیادہ ہوسکتی ہے۔
پولیس کے مطابق 19 سالہ سابق طالب علم نکولس کروز اسکول کے اندر گھسا، الارم بجایا اور بھگدڑ مچنے پر فائرنگ کردی جس کے نتیجے میں 17 افراد موقع پر ہی ہلاک ہوگئے جب کہ پولیس نے اسے گرفتار کرلیا ہے۔ پولیس اور امدادی اداروں نے ہلاک شدگان اور زخمیوں کو ایمبولینسز کے ذریعے اسپتال منتقل کیا۔ امریکی صدر نے اس واقعہ پر افسوس کا اظہار کیا۔
آپ کا تبصرہ